Read the Bible

¹ Halleluja! Loof, o knegte van die HERE, loof die Naam van die HERE!² Laat die Naam van die HERE geprys word, van nou af tot in ewigheid!³ Van die opgang van die son tot by sy ondergang moet die Naam van die HERE geloof word!⁴ Die HERE is hoog bo al die nasies; bo die hemele is sy heerlikheid.⁵ Wie is soos die HERE onse God, wat hoog woon,⁶ wat laag neersien, in die hemel en op die aarde?⁷ Wat die geringe uit die stof oprig, die behoeftige van die ashoop af verhef;⁸ om hom te laat sit by die edeles, by die edeles van sy volk.⁹ Wat die onvrugbare van die huis laat woon- 'n blye moeder van kinders. Halleluja!