Read the Bible

¹ 'n Bedevaartslied. Ek roep die HERE aan in my benoudheid, en Hy verhoor my.² o HERE, red my siel van die valse lippe, van die bedrieglike tong!³ Wat sal Hy jou gee of wat vir jou daaraan toevoeg, o bedrieglike tong?⁴ Skerp pyle van 'n held saam met gloeiende kole van besembosse.

⁵ Wee my dat ek as vreemdeling vertoef in Meseg, dat ek by die tente van Kedar woon!⁶ Te lank al woon my siel by die wat die vrede haat.⁷ Ek is vredeliewend; maar as ek spreek, is hulle op oorlog uit.