Read the Bible

¹ By die riviere van Babel, daar het ons gesit, ook geween as ons aan Sion dink.² Aan die wilgerbome wat daarin is, het ons ons siters opgehang.³ Want daar het hulle wat ons as gevangenes weggevoer het, van ons die woorde van 'n lied gevra en hulle wat ons verdruk het, vreugde, deur te sê: Sing vir ons 'n Sionslied.⁴ Hoe sou ons die lied van die HERE kan sing in 'n vreemde land?⁵ As ek jou vergeet, o Jerusalem, laat my regterhand dan homself vergeet!⁶ Laat my tong kleef aan my verhemelte as ek aan jou nie dink nie, as ek Jerusalem nie verhef bo my hoogste vreugde nie.

⁷ HERE, bring in herinnering vir die kinders van Edom die dag van Jerusalem, hulle wat gesê het: Breek weg, breek weg, tot op die grond met hom!⁸ o Dogter van Babel, jy verwoeste, gelukkig is hy wat jou sal vergeld wat jy ons aangedoen het!⁹ Gelukkig is hy wat jou kinders gryp en verpletter teen die rots!