Read the Bible

¹ 'n Psalm van Asaf. God staan in die vergadering van die gode; Hy hou gerig te midde van die gode.² Hoe lank sal julle onregverdig oordeel en partydig wees vir die goddelose mense? Sela.³ Doen reg aan die swakke en die wees; gee aan die ellendige en die arme sy reg.⁴ Red die swakke en behoeftige, bevry hulle uit die hand van die goddelose mense.⁵ Hulle weet nie en verstaan nie; hulle loop rond in duisternis: al die fondamente van die aarde wankel.

⁶ Ek self het gesê: Julle is gode, en julle is almal seuns van die Allerhoogste- ⁷ nogtans sal julle sterwe soos mense, en soos een van die vorste sal julle val.⁸ Staan op, o God, oordeel die aarde! Want U het erfbesit van al die nasies.