Read the Bible

¹ In finem, in carminibus. Intellectus David,² cum venissent Ziphæi, et dixissent ad Saul : Nonne David absconditus est apud nos ?³ Deus, in nomine tuo salvum me fac, et in virtute tua judica me.⁴ Deus, exaudi orationem meam ; auribus percipe verba oris mei.⁵ Quoniam alieni insurrexerunt adversum me, et fortes quæsierunt animam meam, et non proposuerunt Deum ante conspectum suum.⁶ Ecce enim Deus adjuvat me, et Dominus susceptor est animæ meæ.