Read the Bible

¹ The title of the nyntenthe salm. To victorie, the salm of Dauid. The Lord here thee in the dai of tribulacioun; the name of God of Jacob defende thee.² Sende he helpe to thee fro the hooli place; and fro Syon defende he thee.³ Be he myndeful of al thi sacrifice; and thi brent sacrifice be maad fat.⁴ Yyue he to thee aftir thin herte; and conferme he al thi counsel.⁵ We schulen be glad in thin helthe; and we schulen be magnyfied in the name of oure God.

⁶ The Lord fille alle thin axyngis; nowe Y haue knowe, that the Lord hath maad saaf his crist. He schal here hym fro his hooly heuene; the helthe of his riyt hond is in poweris.⁷ Thes in charis, and these in horsis; but we schulen inwardli clepe in the name of oure Lord God.⁸ Thei ben boundun, and felden doun; but we han rise, and ben reisid.⁹ Lord, make thou saaf the kyng; and here thou vs in the dai in which we inwardli clepen thee.