Read the Bible

¹ Respondens autem Job, dixit :² Audite, quæso, sermones meos, et agite pÅ“nitentiam.³ Sustinete me, et ego loquar : et post mea, si videbitur, verba ridete.⁴ Numquid contra hominem disputatio mea est, ut merito non debeam contristari ?⁵ Attendite me et obstupescite, et superponite digitum ori vestro.⁶ Et ego, quando recordatus fuero, pertimesco, et concutit carnem meam tremor.

⁷ Quare ergo impii vivunt, sublevati sunt, confortatique divitiis ?⁸ Semen eorum permanet coram eis, propinquorum turba et nepotum in conspectu eorum.⁹ Domus eorum securæ sunt et pacatæ, et non est virga Dei super illos.¹⁰ Bos eorum concepit, et non abortivit : vacca peperit, et non est privata fÅ“tu suo.¹¹ Egrediuntur quasi greges parvuli eorum, et infantes eorum exultant lusibus.¹² Tenent tympanum et citharam, et gaudent ad sonitum organi.¹³ Ducunt in bonis dies suos, et in puncto ad inferna descendunt.