Read the Bible

¹ 'n Bedevaartslied. Van Dawid. As die HERE nie vir ons was nie- laat Israel dit sê- ² as die HERE nie vir ons was toe die mense teen ons opgestaan het nie,³ dan het hulle ons lewendig verslind toe hulle toorn teen ons ontvlam het;⁴ dan het die waters ons oorstroom, 'n stroom het oor ons siel gegaan;⁵ dan het die trotse waters oor ons siel gegaan.

⁶ Geloofd sy die HERE wat ons aan hulle tande nie as buit oorgegee het nie!⁷ Ons siel het vrygeraak soos 'n voël uit die vangnet van die voëlvangers; die vangnet is gebreek, en ons, ons het vrygeraak.⁸ Ons hulp is in die Naam van die HERE wat hemel en aarde gemaak het.