Read the Bible

¹ Van die kinders van Korag. 'n Psalm. 'n Lied. Sy grondvesting is op heilige berge.² Die HERE het die poorte van Sion lief bo al die wonings van Jakob.³ Heerlike dinge word van u gesê, o stad van God! Sela.

⁴ Ek wil Rahab en Babel vermeld onder hulle wat My ken; kyk, Filistéa en Tirus saam met Kus- hierdie een is daar gebore.⁵ En van Sion sal gesê word: Man vir man is daarin gebore, en Hy, die Allerhoogste, hou dit in stand.⁶ Die HERE sal tel as Hy die volke opskrywe: Hierdie een is daar gebore. Sela.⁷ En die wat sing sowel as die wat vrolik is, sê: Al my fonteine is in jou!